Die Algemene Sinode van 2015 het gister besluit dat streeksinodes hulle eie belydenisgrondslag mag hê.
Kyk wat sê die hooggeregshof oor die saak:
Kerkverband tussen kerke wat nie dieselfde belydenis het nie, of wat dieselfde belydenisskrifte verskillend vertolk en kerkregtelik verskillend georganiseerd is, is nie moontlik nie aangesien eenheid in belydenis die samebindende faktor by die kerkverband is. Die belydenisgrondslag van die kerk kan alleen gewysig word mits daar aan die formele kerkordelike vereistes voldoen word.
Plaatjies van Huffel, M.A. & Van der Merwe, J.M., 2012, ‘Die reis met kerkeenwording tussen die Verenigende Gereformeerde Kerk in Suider-Afrika en die Nederduitse Gereformeerde Kerk in Afrika’, Verbum et Ecclesia 33(1), Art. #724, 7 pages.
Dit beteken dat kerkverband tussen sinodes met verskillende belydenisskrifte nie moontlik is nie.
Mens sou dink 2+2=4, maar die Algemene Sinode kan skynbaar nie so ver tel nie.
BELHAR: JA VIR WES-EN-SUID-KAAPLAND
October 8, 2015Rudi SwanepoelAlgemene Sinode
Wat met die eerste oogopslag na ‘n kerkregtelike onmoontlikheid gelyk het, is deur die Algemene Sinode goedgekeur.
Die saak ter sprake is dat streeksinodes voortaan self hulle belydenisskat kan uitbrei. Dit maak dit vir die Sinode van Wes-en-Suid-Kaapland moontlik om die Belydenis van Belhar as deel van haar belydenisgrondslag te laat aanvaar.
Daar word egter vereis dat dieselfde proses gevolg moet word wat met Artikel 1 gevolg is, naamlik dat die sinode ‘n wysiging met ‘n tweederdemeerderheid moet goedkeur en dat twee derdes van gemeentes en kerkrade ook met ‘n tweederdemeerderheid ten gunste van so ‘n verandering moet stem.
Die vergadering het kennis geneem daarvan dat die besluit moontlike ‘n risiko inhou dat dit in die hof betwis kan word, maar daar is besluit om die risiko te nem omdat die saak vir Wes-en-Suid-Kaapland so belangrik is.
Daar was enkele stemme van teenkanting van die vloer af, maar die vergadering het oorweldigend ten gunste van die voorstel gestem.
riaanvzyl said:
Ek het dit sien kom, maar bly hoop… Snaaks, die eerste ding wat in my kop opgekom het was Jim Reeves se liedjie: “This world is not my home anymore…”
hierstaanek said:
Dit is beplan. Hulle wil hê die kerk moet vernietig word omdat hulle ons belydenisskrifte haat. Dan sien hulle ‘n nuwe “kerk” wat nie deur God se woord gebind word nie soos ‘n feniks uit die as verrys. Daar wag n surpraais op hulle.
Henrietta Klaasing said:
Ek is seker dat dit DOELBEWUS gedoen is, om verskillende redes. Die belangrikste rede waarskynlik dat dit die pad oopmaak vir die “megakerk” ( sowat 2 miljoen lidmate) wat gestig gaan word na vereniging met die VGK. Dit is ook om die ou “foutjie” wat sekere Wes+Suidkaap ringe gemaak het om WEL Belhar as belydenisskrif te aanvaar, te akkommodeer, en dan om van ons “anti-“s ontslae te raak.
alwynduplessis said:
Die Sinode is weereens op die regte pad met die besluit. Kom ons wees net dankbaar. Ek kan nie sien hoe daar skeuring kan kom nie.
hierstaanek said:
Met alle respek Alwyn, Maak 2+2 nie meer 4 nie? Hoe dink jy gaan hulle verby die hooggeregshof se uitrspraak kom? Gaan hulle die regter omkoop met ‘n lolliepop?
Die grootmens wêreld werk nie so nie.
Koos said:
Ou Alwyn, jy is regtig van die pad af jong!
americanuniverse said:
Die “regte pad” waarheen, Alwyn?
Die Bybel in sy letterlike vorm gee vir ons die pad waarop ‘n gemeente hulle moet bevind om die liggaam van Christus te wees. Dit is letterlik uitgespel sodat gewone mense soos ek en mijoene ander wie nie teoloë is nie, ook daarna kan kyk en besef iets is nie reg nie. As ons nou vertel word dat ons nie weet wat die hoëres weet nie, en ons moet net stilbly en aangaan en aanvaar, dan herinner dit ons aan die Roomse Kerk, wat ‘n teokrasie is en mense verbrand het wie hierdie presiese elementere sake aan die biskoppe uitgewys het.
Kyk wat het hierdie hoë priesters van verraad alreeds reggekry. Die woord fundamentalis beteken iemand wat ‘n algemene bekende norme navolg en gehoorsaam, o.a. Vandag is dit ‘n skelwoord wat gebruik word om iemand se posisie oor sekere sake te demoniseer sonder dat daar enige diskresie verduur word.
Ek is ‘n fundamentalis want as die Bybel beveel dat ek nie mag lieg nie, dan beskou ek dit as ‘n absolute waarheid. Daar is nie in die moderne eksegese absolutes nie. Alles is relatief wat God se almagtigheid, alomteenwoordigheid, en heiligheid se absolute karakter verdoof sodat hulle dit kan verbuig, wegkaats erens anders heen, en die blanks invul met hulle eie agenda en metodiek.
As dit die “regte pad” is, Alwyn, dan is dit die pad weg van Christus af en kan alleen “reg” wees vir Christus se vyande, jy weet, die nasate wie God in vyandskap met die nasate van die vrou geplaas het, lank, lank gelede.
Hierdie struweling is die ware bruid van Christus wat haar losmaak van die tentakels van die anderkant van die vyandskap. Dit gaan brutaal wees en duisende sal val en saam met die verleiers wegdraai van die Christus-pad af, meegevoer deur meelopende taal, vriendelike uitdrukkings en knipoog gebare van goedkeuring.
Ons sal op ons knieë bly vir hulle bekering en terugkeer na die regte pad toe. Vir jou ook Alwyn.
Henrietta Klaasing said:
Iemand skryf by hierdie plasing op my FB: “Dit sal nie die eerste keer wees nie. In die boek “Die Moeisame pad na Vernuwing” Is daar oor die 1987 skeuring geskryf dat die NGK bevry is van diegene wat geloop het. Die nuwe Aktuarius was een van die skrywers gewees. As hulle nou ‘n nuwe hoofstuk gaan byvoeg sal daar seker met vreugde vertel word hoe die NGK ontslae geraak het en bevry is van ‘n klomp fundamentaliste wat met die Bybel in die hand wou diskrimineer teen ander gelowiges.”
Carel Jansen said:
Belydenis is die gemeenakkoord tussen kerke. As kerke (en ook sy meerdere vergaderings) verskillende belydenisgrondslae het, het jy reeds nie meer eenheid nie. Ek kry die gevoel dat met die laaste sinodes (en dus hierdie een ook) die NG kerk probeer om multipleks-polis te wees wat alles dek. Maar in praktyk sy geoormerkte kliëntebasis gaan verloor.
Andre said:
Wynand, ek stem dat dit `n groot problem is vir die kerk. Ps 133 se dat God gebied Sy seen daar waar eenheid is. Verder se die Woord dat `n huis wat verdeel is gaan ten gronde.
Ek sien egter groter probleme vir julle in die Wes-Kaap. Wat gaan julle, die wat nog die Bybel leterlik opneem, doen om die kerk te red. Wat gaan julle doen teen die oorweldigende hoeveelheid in julle sinode wat wil anders wees ten spyte van die bybelse voorskrifte en leer.
Die Weskaap gaan `n toevlug word vir almal wat die Woord wil verdraai en hulle Newage leerstellings.
Ek glo die storm van Mark 6 en Hand 27 is oppad.
Henrietta Klaasing said:
Die gesag van meerdere vergaderings (soos AS2015) is volgens wet beperk – lees die slotsom:
http://www.ve.org.za/index.php/VE/article/view/724/1139
HSE, miskien moet jy ‘n “Ping back” gee na jou 2013 pos RE: Kerkskeuring
Nico van Niekerk said:
Sodra die mens dink hy kan die “kerk red” is daar klaar ‘n diskonneksie wat fundamentele foute laat insluip.
Wat ons hier sien is nie ‘n kerk wat verval nie, maar die ware gemeente, die liggaam van Christus, wat hom losmaak van die priesters van die doderyk wat met die poorte van die hel dit wil oorweldig. (Matt 16:18).
Hierdie is eerder geboortepyne waaruit die nuwe NGK, of wat hulle dit ookal wil noem, sal voortkom, gebore sal word. Soos dit maar gaan, gaan dit met pyn en baie lyding gepaard om die kloue van die doderyk uit die vleis van die Liggaam te skeur, maar die liggaam van Christus kan nie saam met die priesters van die doderyk in een juk trek nie. Of klere van verskillende stowwe saam dra nie.
Ons moet dit eerder verwag het, en dit nou vier, juig psalms sing, en jubelend in straat optogte loop oor die nuwe, ware kerk van Jesus wat nooit, ooit boosheid goedkeur of daarmee saamloop nie.
Hallelujah, prys die Here! En dan buig ons nederig in aanbidding voor die lewende God, wie hom in die letterlike woorde van die Bybel aan ons bekendgestel het, vir genade en besinning vir die wie in die koue van die doderyk meegesleur word, om hulle te bekeer en te vlug. Vlug oornag sommer sonder om terug te draai en ander te gaan groet.
Dis hoe ek dit sien.
Nico said:
Mens hoor in baie kerke en gemeentes postmodernisme voor en postmodernisme agter. Vir hulle is dit op ‘n manier logies en aanvaarbaar dat a = nie a.