Ek het ‘n skakel na my verklaring oor Ben du Toit se tugondersoek op die draad wat NG Kerk daaroor begin het gepos. Dit is summier afgevee.

https://www.facebook.com/NGKerk

Wat het geword van openheid en die “Seisoen van Luister?” Waarvoor is hulle bang? Wil hulle dit doodswyg?

Ek sou dink die volwasse ding sou wees om in openbare debat hieroor te gaan, nie om mense te probeer stilmaak nie!

Kom aan, wie ook al vir NG Kerk op facebook pos: tree tog op met integriteit en laat mense self besluit oor Dr du Toit se ondersoek!

OPDATERING 23/05/2013
Ek het my skakel weer gepos en in beleefde debat betrokke geraak.

Die volgende oomblik is ek van die blad geblok. Daar is ‘n lang relaas by van hoekom slegte mense die NG Kerk se FB blad kaap.

Hier is dus die feite

  • Ek maak sekere stellings in die openbaar oor wat Dr Ben du Toit tydens die tugondersoek gesê het.
  • Ek verskaf die bewyse daarvoor: Die verbatim transkripsies.
  • Ek word nie in die openbaar in debat aangevat nie. Nie een van my stellings is in die openbaar aangespreek of weerspreek nie.
  • Ek word summier van NG Kerk se facebook blad geblok.

Wat beteken dit?

Werk dit maar self uit!

Ek?

Ek verheug my in die Soewereine en Almagtige Skepper God wat die lotgevalle van nasies in sy hand hou.

Ek verheug my in die ongelooflike genade wat ek van Hom ontvang het.

Christus is Onoorwonne, Oorwinnaar!

Ek loof die heerlikheid van sy Genade!